Հյուսիսային Կորեայում Կիմ Չեն Ընին հավատարմություն դրսևորելու կոչով քարոզչապաստառներ են հայտնվել
Կորեայի Ժողովրդադեմոկրատական Հանրապետությունում նոր քարոզչապաստառներ են հայտնվել, որոնք կոչ են անում հավատարմություն դրսևորել միայն երկրի առաջնորդ Կիմ Չեն Ընին, հաղորդում է ИТАР-ТАСС-ը:
Վառ պաստառների վրա գրված է. «Մենք մինչև վերջ Ձեզ հավատարիմ կլինենք, թանկագին ընկեր Կիմ Չեն Ըն», «Մենք ճանաչում ենք միայն Ձեզ», «Հուսալի պաշտպանություն ապահովենք Կորեայի Աշխատավորական կուսակցության կենտրոնական կոմիտեին»:
Ինչպես հաղորդել են տեղական ԶԼՄ-ները, պաստառներն արտահայտում են «ԿԺԴՀ-ի ժողովրդի և բանակի վճռականությունը խոր հարգանք արտահայտել Կիմ Չեն Ընին, որը մարմնավորում է երկրում կառավարման միակ կենտրոնը»:
Նոր պաստառները ԿԺԴՀ-ի լավագույն նկարիչների ջանքերի արդյունքն է:










