Մոսկվայում ադրբեջանցիների ևս մի շուկա են փակել
Մոսկվայի իշխանությունները փակել են «Մոսկվորեցկոյե» շուկան, որտեղ ծեծի էին ենթարկվել ակտիվիստներ, որոնք շուկայում հայտնաբերել էին ժամկետանց և անորակ ապրանքներ, գրում է ադրբեջանական haqqin.az-ը։
Հաշվի առնելով ակտիվիստների բացահայտումները՝ Մոսկվայի առևտրի և ծառայությունների վարչությունը և շուկայի ղեկավարությունը որոշում են կայացրել փակել առևտրի տաղավարները։
«Այս պահին առևտրային տաղավարներն ամբողջությամբ մաքրվել են ապրանքից»,-ասել է աղբյուրը։ Դրանց հետագա օգտագործման հարցը ևս քննարկելու են վարչությունն ու շուկայի ղեկավարությունը։
Դեկտեմբերի 10-ին կամավոր ակտիվիստները ստուգումներ էին իրականացրել շուկայի տարածքում, իսկ այն բանից հետո, երբ հայտնաբերվել էին ժամկետանց և անորակ ապրանքներ, վաճառողները հարձակվել էին ակտիվիստների վրա։
Շուկայում հիմնականում ադրբեջանցիներ են աշխատում։










