Ֆիլիպինական քաղաքի քաղաքապետին սպանել են Մանիլայի օդանավակայանում

12:09 • 20.12.13

Ֆիլիպինական Լաբանգանա քաղաքի քաղաքապետը սպանվել է Մանիլայի օդանավակայանի մոտ տեղի ունեցած հարձակման հետևանքով, գրում է gazeta.ru-ն՝ հղում անելով ABC-ին:

 

Զինված խումբը քաղաքական գործչի ավտոշարասյան վրա հարձակվել է օդանավակայանի շենքի մոտ: Քաղաքապետ Ուկոլ Տալումպուն, նրա կինը և մի քանի թիկնապահներ տեղում մահացել են, ևս չորս թիկնապահ վիրավորվել է:

 

Գրոհայինները, որոնց հագին եղել է ոստիկանական համազգեստ, հանցագործության վայրից դիմել են փախուստի:

 

Տալումպուն Լաբանգանայի քաղաքապետի ընտրություններում հաղթել էր 2013 թվականի մայիսին: