Արմավիրում ճայթիչի հետ անզգույշ վարվելու հետևանքով 10-ամյա տղան այրել է իրենց խոտի դեզը

13:43 • 21.12.13

Ոստիկանության Արմավիրի բաժնում դեկտեմբերի 20-ին՝ ժամը 17.15-ին, ահազանգ է ստացվել, որ Լենուղի գյուղում հրդեհ է, այս մասին տեղեկացնում է Ոստիկանության կայքը:

 

Մեկնած օպերատիվ խումբը պարզել է, որ 10-ամյա տղան ժամը 15.30-ի սահմաններում ճայթիչի հետ անզգույշ վարվելու հետևանքով այրել է իրենց խոտի դեզը` ընտանիքին պատճառելով 400.000 դրամի նյութական վնաս:

 

Կատարվում է հետաքննություն:

 

ՀՀ ոստիկանությունը ևս մեկ անգամ հորդորում է երեխաներին հեռու պահել ճայթիչ-պայթիչներից, որոնք կարող են հրդեհների պատճառ դառնալ: