Ռուսաստանի և Վրաստանի միջև կանոնավոր չվերթների կարգավորումը շուտով կավարտվի. Ռուսաստանի ԱԳՆ
Ռուսաստանի Դաշնության փոխարտգործնախարար Գրիգորի Կարասինը հայտարարել է, որ Ռուսաստանի և Վրաստանի միջև կանոնավոր չվերթների կարգավորումը մոտենում է ավարտին, հաղորդում է ИТАР-ТАСС-ը:
«Այժմ դրանք չարտերներն են»,- հիշեցրել է Կարասինը։
Դիվանագետը նաև ընդգծել է, որ տրանսպորտային փոխադրումների հարցն այժմ Ռուսաստանի և Վրաստանի միջև առաջնահերթ խնդիրներից է:
Բացի այդ, նա ակնարկել է, որ երկու երկրների միջև վիզային ռեժիմի վերացման շուրջ բանակցություններում որոշակի առաջընթաց կա:
Ավելի վաղ Ռուսաստանի նախագահ Վլադիմիր Պուտինը դրական է վերաբերվել Վրաստանի հետ առանց վիզայի ռեժիմի հաստատմանը:










