Բրիտանուհին օգնել է քաղցկեղից մահացող ընկերուհուն՝ դառնալով նրա երեխայի փոխնակ մայրը (լուսանկարներ)
Երբ մարդուն հայտնում են նրա՝ քաղցկեղով հիվանդ լինելու մասին, նա փորձում է անել այն ամենը, ինչ չի հասցրել անել մինչ այդ։
Նման մի դեպք է տեղի ունեցել Մեծ Բրիտանիայում։ Երբ 30-ամյա մարզիչ Լաուրա Յոհոյին հայտնել են, որ նա քաղցկեղ ունի, նա և իր սիրելին՝ Նեյթը, վճռական են եղել ընտանիք կազմելու հարցում: Զույգն այդ լուրն իմանալուց ընդամենը որոշ ժամանակ առաջ էր նշանադրվել, գրում է Daily Mail-ը:
Նրա լավագույն ընկերուհի Կառա Սթեթսոնն առաջարկել է փոխնակ մայր լինել նրանց երեխայի համար:
Դժբախտաբար, Լաուրան մահացել է երեխայի ծնվելուց չորս ամիս առաջ՝ այդպես էլ չտեսնելով նրան:
«Դա այնքան հրաշալի նվեր է: Խոսքեր չկան, որ կարողանան արտահայտել, թե ինչ է նա արել իմ և իմ ընտանիքի համար»,- ասել է Նեյթը:
«Ես այնքան ուրախ էի, որ կարող եմ օգնել՝ Երկրի վրա Լաուրայից մի կենդանի մասնիկ պահելու համար: Լաուրան և ես շատ մոտ էինք, այդ պատճառով այդ որոշումը շատ հեշտությամբ կայացրինք»,- ասել է Կառան:

















