Իրանը հաջողությամբ հականավային հրթիռներ է փորձարկել. Fars

11:04 • 22.12.13

Իրանի հարավում երկրի օդուժի մասնակցությամբ զորավարժությունների ընթացքում հականավային «Կադեր» հրթիռներ են հաջողությամբ փորձարկվել՝ 200 կմ գործողությունների շառավղով. տեղեկացնում է Взгляд-ը՝ Fars գործակալության հղումով։

 

Երկօրյա զորավարժությունները մեկնարկել էին ուրբաթ, իսկ շաբաթ օրը տեղի է ունեցել կործանիչների կողմից արձակված «Կադեր» հրթիռների փորձարկումը։
 

 

Փորձարկվել են նաև  «Նասր» թևավոր հրթիռները։

 

«Այդ զորավարժությունների կարևորությունը այդ հրթիռների փոխանցումն էր, որոնք Իրանի օդուժը վերջերս է ստացել»,-ասել է գեներալ Հուսեյին Չիթֆորուշը։
 

 

«Կադեր» հրթիռներն առաջին անգամ ներկայացվել են 2011թ.-ի սեպտեմբերին։ Դրանք փորձարկում անցել էին, սակայն շաբաթ օրվա փորձարկումն անցել է այնպիսի պայմաններում, որոնք առավելագույն չափով մոտեցված են եղել իրական մարտական գործողություններին։