Ռոհանին սյունակ է գրել գերմանական թերթում
Իրանի նախագահ Հասան Ռոհանին սյունակ է գրել գերմանական Süddeutsche Zeitung թերթում, գրում է gazeta.ru-ն՝ հղում անելով Reuters-ին:
Ռոհանին գրել է այն մասին, որ իր երկիրը ցանկանում է բարելավել երկկողմ հարաբերությունները ոչ միայն ԱՄՆ-ի, այլև այլ երկրների հետ:
Նախագահի խոսքով՝ Իրանը մտադիր է վերացնել հարաբերություններում առկա լարվածությունը, որը պահպանվում էր վերջին տարիներին:
Այնուամենայնիվ, նա գրել է, որ հնարավոր չէ մոռանալ ամենը, ինչ տեղի է ունեցել վերջին 60 տարվա ընթացքում, սակայն կոչ է արել կողմնորոշվել դեպի ապագա:
Ռոհանին իր սյունակն ավարտել է խոսքերով, որ Իրանը պատրաստ չէ հրաժարվել խաղաղ միջուկի իր իրավունքից, սակայն երբեք չի փորձել ստեղծել միջուկային զենք:










