Ամերիկացուն դատել են արաբ երիտասարդներին ծաղրելու համար (տեսանյութ)

17:58 • 23.12.13

Աբու Դաբիի դատարանն ԱՄՆ քաղաքացուն մեկ տարվա ազատազրկման է դատապարտել ծաղրանմանակող տեսահոլովակի ստեղծման համար, որը ծաղրում է Դուբայում ապրող երիտասարդությանը, գրում է lenta.ru-ն՝ հղում անելով տեղական The National թերթին:

 

Շիզան Քասիմը մեղավոր է ճանաչվել «արտասահմանում Արաբական Միացյալ Էմիրությունների իմիջին վնաս հասցնելու համար»: 29-ամյա երիտասարդը ստիպված կլինի նաև 2.700 դոլար տուգանք վճարել: Պատիժը կրելուց հետո ամերիկացին կարտաքսվի:

 

Քասիմի հետ ևս հինգ մարդ է դատապարտվել, որոնք ներգրավված են եղել տեսանյութի ստեղծմանը: Նրանք դատապարտվել են 8 ամսից մինչև մեկ տարվա ազատազրկման:

 

Տեսանյութը, որը YouTube-ում է հայտնվել դեռ 2012 թվականին, իրենից ներկայացնում է 19 րոպեանոց ֆիլմ, որտեղ պատմվում է Դուբայում գործող հորինված երիտասարդական բանդայի մասին: