Բասկետբոլիստ Ռոդմանը հեռացել է Հյուսիսային Կորեայից՝ չհանդիպելով Կիմ Չեն Ընի հետ

09:59 • 23.12.13

Բասկետբոլի ազգային ասոցիացիայի նախկին խաղացող Դենիս Ռոդմանը հեռացել է Հյուսիսային Կորեայից՝ այդպես էլ չհանդիպելով երկրի առաջնորդ Կիմ Չեն Ընի հետ, գրում է gazeta.ru-ն՝ հղում անելով Associated Press-ին:

 

Նրա խոսքով՝ հանդիպում տեղի չի ունեցել, քանի որ Կորեայի Ժողովրդադեմոկրատական Հանրապետության առաջնորդը շատ զբաղված է եղել պետական գործերով:

 

Միևնույն ժամանակ Ռոդմանը խոստացել է մեկ ամսից վերադառնալ՝ Կիմ Չեն Ընի ծննդյան առթիվ բասկետբոլի ցուցադրական խաղ անցկացնելու համար:

 

Ավելի վաղ հաղորդվել է, որ Ռոդմանը Հյուսիսային Կորեայում չի պատրաստվում խոսել քաղաքականությունից: