Հալեպի հրթիռակոծությունը սպառնում է Սիրիայի հարցով նախատեսված խաղաղ բանակցությունների անցկացմանը

11:46 • 24.12.13

Սիրիայում կառավարական ռազմական օդանավերը 9-օրյա հրթիռակոծությունների հետևանքով ավելի քան 330 մարդու կյանք են խլել, հայտնում է Al Jazeera-ն` վկայակոչելով ակտիվիստների և բժիշկների:

 

Խոսքը, մասնավորապես, Հալեպի հրթիռակոծության մասին է, որի թաղամասերի վրա տակառներով տրինիտրոտոլուոլ` պայթուցիկ նյութեր են գցվում:

 

Եվ այժմ ընդդիմությունը` ի դեմս Ազգային կոալիցիայի, սպառնացել է չմասնակցել Սիրիայի հարցով Ժնևում նախատեսված խաղաղ բանակցություններին, եթե հրթիռակոծությունը շարունակվի: Նրանց դատողությամբ` եթե արտասահմանյան երկրները չեն կարողանում ճնշում գործադրել , որպեսզի Սիրիայի իշխանություններն ավերիչ գործողություններից զերծ մնան, ապա ինչպես են «Ժնև - 2»-ում քաղաքական լուծում պարտադրելու:

 

Նախատեսվում է, որ Ժնևի բանակցություններով վերջ կդրվի պատերազմին Սիրիայում, որի հետևանքով մինչ օրս ավելի քան 126 հազար մարդ է զոհվել: