Վանում երկրաշարժ է տեղի ունեցել

09:12 • 24.12.13

Վանում Ռիխտերի սանդղակով 4.1 բալ ուժգնությամբ երկրաշարժ է տեղի ունեցել, տեղեկացնում է թուրքական Sabah օրաթերթի կայքը։

 

Բողազիչի համալսարանի երկրաշարժերի ուսումնասիրության կենտրոնի տվյալներով՝ ստորգետնյա ցնցումներ են գրանցվել 04։17-ին։ Երկրաշարժի էպիկենտրոնը եղել է Վանի Չոլփան գյուղի մոտակայքում, հիպոկենտրոնը՝ 5 կմ խորությամբ։


Առաջին երկրաշարժին 04։25-ին և 04։57-ին երկու հետցնցումներ են հաջորդել։