Հռոմի նախկին ու ներկայիս պապերը հանդիպել են, փոխանակվել սուրբծննդյան շնորհավորանքներով (լուսանկարներ, տեսանյութ)
Հռոմի պապ Ֆրանցիսկոսը գալիք Սուրբ Ծննդի կապակցությամբ այցելել է իրեն նախորդած Բենեդիկտոս 16-րդին և մոտ 30 րոպե նրա հետ անցկացրել, հայտնում է Daily Mail-ը։
Այս տարվա մարտին գաղտնի ժողովի արդյունքում Պապ դարձած Ֆրանցիսկոսն ասել է, որ 86-ամյա նախկին հովվապետն իրեն լավ է զգում, թեև տեղաշարժվում է ձեռնափայտի օգնությամբ։
Հռոմի նախկին ու ներկայիս պապերը միասին զրուցել են, փոխանակվել սուրբծննդյան շնորհավորանքներով, ինչպես նաև աղոթել են։
Հիշեցնենք, որ Բենեդիկտոս 16-րդն անսպասելիորեն հրաժարվել էր պապական գահից այս տարվա փետրվարի 28-ին՝ ասելով, որ ինքը ֆիզիկապես ու հոգեպես այլևս ի վիճակի չէ առաջնորդել աշխարհի կաթոլիկներին։














