Tiffany-ի նախկին փոխնախագահն ազատազրկվել է զարդեր գողանալու համար
Tiffany&Co ամերիկյան ոսկերչական ընկերության նախկին փոխնախագահը մեկ տարի մեկ օրվա ազատազրկման է դատապարտվել թանկարժեք զարդեր գողանալու համար, հայտնում է Взгляд-ը:
Ինգրիդ Լեդերհաաս-Օկուն անունով փոխնախագահն ընդունել է իր մեղքն առ այն, որ գողացված իրեր է փոխադրել ԱՄՆ-ի մի նահանգից մյուսը:
Պաշտպանությունը նրա համար կես տարվա, իսկ մեղադրող կողմը՝ 3 տարվա ազատազրկում է պահանջել: Սակայն դատավորը չի համաձայնվել դատախազի այն պնդման հետ, թե գողության դրդապատճառն ագահությունն է եղել, քանի որ մեղադրյալը հարուստ ընտանիքից է և տարեկան 360 հազար ԱՄՆ դոլար գումար է վաստակել: Պաշտպանությունը հանցագործությունը կապել է անձնական կյանքի անհաջողություններից առաջացած դեպրեսիայի հետ:.
Նա ասել է, որ զղջում է, սակայն չի կարող ամբողջությամբ արտահայտել իր զղջումը: Նա իր գործատուից` Tiffany-ից, 1,3 մլն դոլարի զարդեր էր գողացել ամռանը:










