Վիճաբանություն Սիսիանում՝ ցակատի և դանակի գործադրմամբ. տուժածները տեղափոխվել են հիվանդանոց

14:38 • 25.12.13

Հիվանդանոցից դեկտեմբերի 24-ին, ժամը 03.40-ին Ոստիկանության Սիսիանի բաժնում հաղորդում է ստացվել, որ թափանցող մարմնական վնասվածքներով Ծղուկ գյուղից շտապօգնության խումբը բուժօգնության է տեղափոխել 1966 թ. ծնված Սպարտակ Ս.-ին և 1981 թ. ծնված Էդիկ Ս.-ին: Այս մասին հայտնում են Ոստիկանության մամուլի ծառայությունից:

 

Մեկնած օպերատիվ խումբը պարզել է, որ դեկտեմբերի 23-ին, ժամը 21.30-ի սահմաններում, նշված գյուղի անասնագոմերի մոտ, վիճաբանության ժամանակ Սպարտակ Ս.-ն խոհանոցային դանակով հարվածել է Էդիկ Ս.-ի ձախ աճուկային շրջանին, իսկ 1969 թ. ծնված Գևորգ Պ.-ն ցակատով հարվածներ է հասցրել Սպարտակ Ս.-ի մարմնի տարբեր մասերին` պատճառելով վնասվածքներ:

 

Նշանակվել է դատաբժշկական փորձաքննություն: Գևորգ Պ.-ն բերման է ենթարկվել բաժին: Կատարվում է նախաքննություն: