Հարավային Կորեան որոշել է ԿԺԴՀ-ի հետ սահմանին չվառել տոնածառի լույսերը
Կորեայի Հանրապետությունում կրկին խախտվել է Հյուսիսային Կորեայի հետ սահմանին հսկայական տոնածառի լույսերը վառելու ավանդույթը, գրում է ИТАР-ТАСС-ը:
Կաթոլիկ Սուրբ Ծննդյան նախօրեին մի քանի հարավկորեական եկեղեցիներ դիմել են կենտրոնական իշխանությանը՝ խնդրելով թույլտվություն տալ վառելու միջկորեական սահմանի մոտ գտնվող Էգիբոն անվանումով 165 մետրանոց բլրի գագաթի սուրբծննդյան տոնածառը:
Սակայն Կորեայի Հանրապետության պաշտպանության նախարարությունը մերժել է խնդրանքը: Որոշումը կայացվել է հարևան երկրի պաշտպանության պետական կոմիտեի կողմից հարված հասցնելու վերաբերյալ սպառնալիքներ ստանալուց հետո։










