Հազարավոր կամավորներ սուրբծննդյան երգեր են երգել մահացող աղջկա համար (տեսանյութ)
Յոթ ամիս առաջ Փենսիլվանիայից (ԱՄՆ) ութամյա Լեյնի Բրաունի մոտ սուր միելոբլաստային լեյկոզ են ախտորոշել, իսկ օրերս նրա վիճակը կտրուկ վատացել է, գրում է «Эхо Москвы» ռադիոկայանը՝ հղում անելով CNN-ին:
Երբ բժիշկները հայտարարել են, որ նրան մի քանի օր է մնացել ապրելու, փոքրիկ Լեյնիի ծնողները նրա Facebook-յան էջում գրել են, որ իրենց մահացող աղջիկը շատ է ցանկանում խոսել երգչուհի Թեյլոր Սվիֆտի հետ և վերջին անգամ լսել սուրբծննդյան երգեր:
Լեյնիի էջի բաժանորդներն աջակցել են երեխայի ցանկությանը, ինչի շնորհիվ դրա մասին իմացել են երգչուհու ներկայացուցիչները, և դեկտեմբերի 21-ին՝ աղջկա ծննդյան օրը, Սվիֆտը նրան զանգահարել է FaceTime ծրագրի միջոցով:
Իսկ շաբաթ երեկոյան Լեյնիի տան առջև հավաքվել են կամավորներ նրա երկրորդ ցանկությունն իրականացնելու համար: Սկզբից եղել են հարյուրավոր մարդիկ, այնուհետ նրանց թիվն ավելացել է՝ հասնելով 10.000-ի, որոնք West Reading են եկել Ամերիկայի տարբեր անկյուններից: Նրանք մոտ մեկ ժամ Լեյնիի համար սուրբծննդյան երգեր են երգել Սանտա Կլաուսի հետ միասին և պարել նրա պատուհանի տակ:
Լեյնին շատ թույլ է եղել և չի կարողացել մոտենալ պատուհանին, բայց նա լսել է հազարավոր մարդկանց երգած երաժշտությունը: Նրա մայրը համացանցում տեղադրել է աղջկա լուսանկարը և մեկնաբանությունը. «Ես ձեզ լսում եմ: Սիրում եմ ձեզ»:
Դեկտեմբերի 25-ին աղջիկը մահացել է:










