Սիդնեյում մարդիկ «սելֆիներ» են անում զինյալների կողմից գրավված սրճարանի ֆոնին (լուսանկարներ)
Սիդնեյում մարդիկ բջջայիններով ինքնալուսանկարներ են անում գրոհայինների կողմից գրավված Lindt Chocolate սրճարանի հարևանությամբ կամ անմիջապես դրա ֆոնին և բեռնում դրանք համացանց։ Սա գրավել է մի շարք ԶԼՄ-ների ուշադրությունը և մեծ բողոքի ալիք բարձրացրել սոցցանցերում, գրում է Daily Mail-ը։
Լուսանկարներից մեկում երևացող սպիտակ վերնաշապիկով տղամարդը լուսանկարվել է հեռուստահաղորդավարների ֆոնին, ովքեր սրճարանի մասին նորություններ են հաղորդել։
Շատերը պարզապես ժպտում են՝ կարծես առանց գիտակցելու, թե իրականում ինչ է կատարվում։
Զինված իսլամիստներն այսօր առավոտյան պատանդ են վերցրել Սիդնեյի կենտրոնում գտնվող Lindt Chocolate սրճարանի այցելուներին։ Վերջին տվյալներով՝ նրանց մոտ է գտնվում մոտ 30 մարդ՝ սրճարանի աշխատակիցներն ու այցելուները։
Դեպքի մանրամասները՝ այստեղ։















