Սիդնեյում պատանդներ վերցրած տղամարդը հայտնի էր իշխանություններին. Ավստրալիայի վարչապետ (լուսանկարներ)
Սիդնեյում նախօրեին պատանդներ վերցրած տղամարդը վաղուց հայտնի է եղել ավստրալական իշխանություններին և հոգեկան խնդիրներ է ունեցել, հայտարարել է Ավստրալիայի վարչապետ Թոնի Էբոթը, փոխանցում է РИА Новости-ն։
«Իրավախախտը քաջ հայտնի է եղել երկրի և նահանգի իշխանություններին։ Նա դաժան հանցագործությունների երկար պատմություն է ունեցել, վաղուց տարված է եղել ծայրահեղականությամբ և հոգեկան խանգարումներ է ունեցել»,- նշել է վարչապետը։
Այժմ ոստիկանությունը սկսել է միջադեպի հետաքննությունը, որի հետևանքով մահացել է սրճարանում գտնվող 2 պատանդ և հանցագործը։
Այսօր Սիդնեյում իջեցվել են դրոշները, հարյուրավոր մարդիկ ծաղիկներ են թողնում սրճարանի հարևանությամբ։
Ավելի վաղ հայտնի էր դարձել, որ հանցագործը փախստական է Իրանից՝ Ման Հարոն Մանիս անունով։
























