Հունգարիայում խանութներին կարգելեն աշխատել կիրակի օրերին
Հունգարիայի խորհրդարանը քվեարկել է երկրում կիրակի օրերին խոշոր սուպերմարկետների աշխատանքի արգելքի օգտին՝ չնայած րիթեյլերների բողոքին, հաղորդում է BBC-ի ռուսական ծառայությունը:
Երկրում բողոքի ակցիաներ են անցկացվում հանգստյան օրերին առևտրի արգելքի սահմանման դեմ:
Երկրի վարչապետ Վիկտոր Օրբանը կարծում է, որ նման արգելքը կնպաստի նրան, որ երկրի բնակիչները կիրակի օրերին հանգստանան ընտանիքի հետ, այլ ոչ թե վազեն խանութներ:
Վիճակագրության համաձայն՝ Հունգարիայի յուրաքանչյուր հինգերորդ բնակիչ կիրակի օրն անցկացնում է խանութներ հաճախելով:
Առևտրային ցանցերի ներկայացուցիչներն արդեն հայտարարել են, որ նման սահմանափակման սահմանումը կբերի նրան, որ մոտ 20 հազար մարդ կզրկվի աշխատանքից:










