Թուրքիայում մեկօրյա սուգ է հայտարարվել Պակիստանում տեղի ունեցած ահաբեկչության կապակցությամբ
Թուրքիան 1-օրյա սուգ է հայտարարել՝ կապված Պակիստանում տեղի ունեցած ահաբեկչական հարձակման հետ։ Այդ մասին, ինչպես փոխանցում է «Անադոլու» գործակալությունը, հայտնել է Թուրքիայի վարչապետ Ահմեթ Դավութօղլուն։
Թուրք վարչապետը նշել է, որ Թուրքիան Պակիստանի իշխանություններին օգնություն է առաջարկել ողբերգության հետևանքների վերացման հարցում։
Պակիստանի զինվորական ուսումնարանի վրա զինված հարձակման հետևանքով ավելի քան 130 մարդ է զոհվել։











