Տեխասում բնակելի տան վրա ինքնաթիռ է ընկել

11:11 • 30.03.15

Ամերիկյան Տեխաս նահանգում փոքր ինքնաթիռն ընկել է սեփական տան վրա:

 

Ինչպես տեղեկացնում է ТАСС-ը, տուժել են օդաչուն և ինքնաթիռում գտնվող երեք ուղևորները, այդ թվում՝ երկու երեխա:

 

Միջադեպը տեղի է ունեցել Գորդոնվիլ բնակավայրում, որը տեղակայված է Դալաս քաղաքից 135 կմ հյուսիս:

 

Ականատեսների վկայությամբ՝ Beechcraft B35 մխրճվել է 1-հարկանի տան տանիքի մեջ, ապա ընկել է բակում: Աղետի պահին տանը մարդ չի եղել:

 

Տուժածները հիվանդանոց են տեղափոխվել ծանր վիճակում: Վթարի պատճառները դեռ հայտնի չեն: