Հայերը ենթադրում են, որ Թուրքիայի կառավարությունը ՀՀ-ի նկատմամբ թշնամական դիրքորոշում ունի. Անահիտ Մանասյան

20:32 • 21.04.15

                                                                                                                                                                                                                                                                                                                                                                              

«Աջակցություն Հայաստան-Թուրքիա կարգավորման գործընթացին» ծրագրի շրջանակներում Թուրքիայում հայ-թուրքական հարաբերությունների վերաբերյալ հետազոտություն  չի իրականացվելու: Այս մասին Tert.am-ի հետ զրույցում ասաց Հետազոտական ռեսուրսների կովկասյան կենտրոն (ՀՌԿԿ) հայաստանյան հիմնադրամի տնօրեն Հեղինե Մանասյանը: Նա նշեց, որ դրա պատճառն այն է, որ Թուրքիայում  անհանգստություն կար, որ ավելորդ ուշադրություն պետք է սևեռեին այն հարցերին, որոնք հաճո չեն թուրքական կառավարությանը։ «Դա կոչվում է ինքնացենզուրա, այսինքն՝ մարդիկ գիտեն, որ դա կարող է լավ չընկալվել Թուրքիայում, և որոշեցին, որ այդ հարցումը  չանեն»,-ասաց նա:

 

Իսկ ինչ վերաբերում է Հայաստանում իրականացված հարցման արդյունքներին՝ նա նշեց, որ հայ հասարակությունը ենթադրում է, որ Թուրքիայի կառավարությունը  Հայաստանի                                                                                                                                                                                                                                                                                                                                                     նկատմամբ թշնամական դիրքորոշում ունի, իսկ թուրք հանրությունը ավելի դրական է տրամադրված հայերի և Հայաստանի նկատմամբ:

 

«Ընդհանուր առմամբ՝ թեև հարցվածների մեծամասնությունը անհանգստություններ ուներ, սակայն կուզենային, որ հարաբերությունները Հայաստանի և Թուրքիայի միջև վերահաստատվեն, ինչն արդեն խոսում է այն մասին, որ կա պատրաստակամության որոշակի ներուժ հասարակության կողմից, և եթե իշխանությունները նախաձեռնեն հավասարակշռված  քայլեր` նկատի ունենալով հանրության կարծիքը և պատմական քաղաքական իրողությունները, կարող են հաջողել»,-ասաց նա:

 

Հեղինե Մանասյանը նշեց, որ Թուրքիայի համար Հայաստանի կարևորությունն այնքան էլ մեծ չէ: «Նրանք լավ առևտուր են անում ամբողջ ախարհի հետ, և թե Հայաստանի հետ հարաբերություններ կհաստատվե՞ն, սահմանը կբացվի՞, թե՞ ոչ՝  տնտեսական առումով դա նրանց հետաքրքիր չէ: Միակ հարցը քաղաքական առումով Թուրքիայի միջազգային իմիջի հարցն է, ինչը թուրք քաղաքացուն շատ չի հուզում»,-ասաց նա: