Կոտայքի մարզում արձանագրվել է բրուցելոզի ևս 3 դեպք

15:30 • 23.04.15

Կոտայքի մարզում բնակչության շրջանում բրուցելոզի դեպքերի վաղաժամ հայտնաբերման նպատակով շարունակվող կանխարգելիչ միջոցառումների արդյունքում Սոլակ համայնքում արձանագրվել է ևս 3 դեպք:


ՀՀ առողջապահության նախարարությունից հայտնում են, որ մարզում այժմ արձանագրվել է ընդհանուր թվով հիվանդության 22 դեպք. բուժումը կազմակերպվել է պետական պատվերի շրջանակներում:


Հիվանդների ինքնազգացողությունը բավարար է, նկատելի է առողջացման դրական շարժընթաց:


Շահագրգիռ կառույցների հետ համագործակցված աշխատանքները, բնակչության շրջանում առողջ ապրելակերպի քարոզչությունը, բժշկահիգիենիկ գիտելիքների տարածումը, ինչպես նաև կանխարգելիչ և հակահամաճարակային միջոցառումները շարունակվում են: