ԱՄՆ նախագահական պատվիրակությունը Երևան կժամանի այսօր ժամը 19.30-20.00-ին

14:21 • 23.04.15

Վաշինգտոնից ԱՄՆ Նախագահ Բարաք Օբամայի պատվիրակությունը Հայաստան կժամանի այսօր Երևանի ժամանակով  19/30-20.0-ին՝ Boing 737 ինքնաթիռով:
 

Հիշեցնենք, որ ապրիլի 24-ին Հայաստանում «1915 թվականի իրադարձությունների 100-ամյակի ոգեկոչման միջոցառումներին» Միացյալ Նահանգներից կմասնակցի նախագահական պատվիրակություն՝ գլխավոր գանձապետ-ֆինանսների նախարար Ջեյքոբ Լյուի գլխավորությամբ, ինչ մասին ասված է Սպիտակ տան հաղորդագրությունում:
 

Նշենք, որ Հայոց ցեղասպանության 100-ամյա միջոցառումներին մասնակցելու նպատակով երեկ  Բոսնիա և Հերցոգովինայի կազմի մեջ մտնող Սերբական Հանրապետության  Նախագահ Միլորադ Դոդիկը այդպես էլ չի կարողացել գալ Երևան՝ Բուրգասի օդանավակայանում մի քանի ժամ սպասելով և տեղեկանալով, որ  պատճառը Թուրքիայի տարածքով թռիչքի թույլտվության արգելքն է:

 

Ինչպես Tert.am-ին հայտնեց ՀՀ քաղաքացիական ավիացիայի գլխավոր վարչության մամուլի քարտուղար Ռուբեն Գրձելյանը ՝ նոր օդային տարածք գալը բավականին բարդ ընթացակարգեր է նախատեսում,  քանի որ այդ տարածքով թռիչք կատարելու համար պետք է 24 ժամ առաջ տեղյակ պահել, ստանալ այդ երկրի օդային տարածքի իշխանությունների թույլտվությունը: