3 զոհ, 56 տուժած. տոներին տեղի ունեցած պատահարների վիճակագրությունը

ՀՀ ՏԿԱԻՆ ճգնաժամային կառավարման ազգային կենտրոնի պետ Հովհաննես Խանգելդյանն այսօր մամուլի ասուլիսին ներկայացրեց տոնական օրերին ստացված ահազանգերի վիճակագրությունը՝ նշելով, որ այս տարի շատ են եղել պատահարների թիվը, ինչը պայմանավորված է տեղումների առատությամբ:
 

Ընդհանուր առմամբ եղել 676 պատահար, ինչը 250-ով ավելի է նախորդ տարվա ցուցանիշից: Այդ պատահարների հետևանքով արձանագրվել է 3 զոհ, 56 տուժած: Զոհերից մեկը եղել է  հրդեհի հետևանք, մյուսը հայտնվել է բքի մեջ, և երեք օր հետո է հայտնաբերվել, իսկ մահվան մյուս դեպքը առաջացել է ՃՏՊ-ի հետևանքով:
 

«ՃՏՊ-ների ցուցանիշները ևս նվազել են և արձանագրվել է 25 դեպք, մեկ զոհ է եղել, 23 տուժած»,- ասաց նա և նշեց, որ այս տարի փլուզումները վեցով պակասել են, կենցաղային կանչերն են շատ եղել և արձանագրվել է 263 կենցաղային դեպք, որոնք բոլորն էլ սահմանված  կարգով սպասարկվել է, թունավորումների ինը դեպք է գրանցվել՝ ինչպես անցած տարի:
 

Հովհաննես Խանգելդյանը հայտնեց, որ 234 արգելափակման դեպք է եղել, անվտանգ հատված է դուրս է բերվել 1263 տրանսպորտային միջոց, 3500 մարդ: «Զանգերի թիվը տաս հազարից ավելի է եղել»,- ասաց նա և նշեց, որ Գեղարքունիք, Սյունիքի ուղղությունները ծանրաբեռնված է եղել և ութ ծննդկանի օգնություն է ցուցաբերվել: Նա նաև հայտնեց, որ նոր մոտեցումներ են մշակում, որոնք առաջիկայում կներկայացնեն ՀՀ կառավարությանը, իսկ իրավիճակի մասին զեկուցվել է ՏԿԱԻ նախարարին և վարչապետին: