Ստամբուլի ահաբեկչությունից գերմանացի զբոսաշրջիկների խումբ է տուժել. Մերկել

Գերմանացի զբոսաշրջիկների խումբը տուժել է Ստամբուլում այսօր տեղի ունեցած ահաբեկչության հետևանքով. ինչպես տեղեկացնում է Reuters-ը, այդ մասին հայտնել է Գերմանիայի կանցլեր Անգելա Մերկելը:

«Միջազգային ահաբեկչությունը ցույց տվեց իր դեմքը Ստամբուլում, Փարիզում, Անկարայում և Թունիսում»,-ասել է նա:

Մերկելը միջազգային հանրությանը կոչ է արել վճռական քայլեր ձեռնարկել տարբեր ահաբեկչական խմբավորումների դեմ պայքարի համար:

Հիշեցնենք, որ այսօր Ստամբուլի Սուլթանահմեթ հրապարակում ահաբեկչություն էր տեղի ունեցել, որի հետևանքով զոհվել էր առնվազն 10 մարդ, վիրավորվել՝ 15-ը: Լրատվամիջոցների հաղորդմամբ՝  10 զոհերից 9-ը Գերմանիայի քաղաքացիներ են:
 

Ավելի ուշ հայտնի էր դարձել, որ տուժածների թվում Հարավային Կորեայի, Նորվեգիայի ու Պերուի քաղաքացիներ են:

Պարզվել է նաև, որ Ստամբուլում այսօր տեղի ունեցած պայթյունն իրականացրել է Սիրիայից մահապարտ ահաբեկիչը: