Երեքամյա երեխան խեղդվել է փուչիկից. Գորիսի բժշկական կենտրոնի փոխտնօրեն

Երեկ Գորիսում փուչիկից երեխայի խեղդվելու դեպք է գրանցվել: Գորիսի բժշկական կենտրոնի փոխտնօրեն  Լևոն Հարությունյանը Tert.am-ի հետ զրույցում ասաց, որ երեկ` ժամը 19:30-ի սահմաններում, երեքամյա  Ռոման Բաղդասարյանը հիվանդանոց է տեղափոխվել արդեն մահացած վիճակում: 

«Երեխան բերվել է 19:30-ի սահմաններում՝ արդեն մահացած, փուչիկն անմիջապես հանվել է, երեխան մահացել էր սրտի կանգով, շնչառության կանգով»,-ասաց նա և նշեց, որ արհեստական շնչառության միջոցով ևս չի հաջողվել երեխայի շնչառությունը վերականգնել։
 

«Դեպքը դժվար է ասել, թե ինչպես է պատահել, շատ փոքր փուչիկ էր, նա երևի ուզեցել է փչի, հետ է օդ եղել և թռել է կոկորդը և շնչափողը փակել, հավանաբար այդպես է եղել, որովհետև հարազատներն այնպիսի վիճակում էին, որ հնարավոր չէր հարցնել այդ մասին»,-ասաց նա և նշեց, որ փուչիկն ընդհանրապես փչված չէր: 

«Եթե մինչև դեպքից հետո  5-10 րոպեն հասցնեին բերել երեխային, գուցե կենսաբանական մահվան փուլը լիներ և նա փրկվեր»,-նշեց Լևոն Հարությունյանը: