Թուրքիայում ահաբեկչության քարոզչություն իրականացնելու կասկածանքով գիտնականներ են ձերբակալվել

Թուրքական Իզմիթ նահանգում «ահաբեկչական կազմակերպության քարոզչություն անելու կասկածանքով» ձերբակալվել է Քոջաելի համալսարանի 21 գիտնական:

Ինչպես տեղեկացնում է Sabah-ը, գիտնականները, որոնց անունները չեն նշվում, ակտիվորեն դեմ են արտահայտվել Թուրքիայի հարավ-արևելքում Քուրդիստանի աշխատավորական կուսակցության՝ PKK-ի դեմ ծավալվող ռազմական գործողություններին:

Վերջին ամիսներին Թուրքիայում ակտիվացել են քուրդ զինյալների դեմ բախումները: Հատկապես երկրի քրդաբնակ շրջաններում բախումներ են ընթանում, որոնց ընթացքում զոհեր են գրանցվում երկու կողմերից էլ:

PKK-ն Թուրքիայում ահաբեկչական խմբավորում է համարվում։