Մալայզիայում ահաբեկչություն նախապատրաստող ԻՊ-ի աջակից է ձերբակալվել

Մալայզիայի ոստիկանությունը ձերբակալել է երկրում ահաբեկչություն նախապատրաստող «Իսլամական պետություն» խմբավորման գրոհայինի, հաղորդում է gazeta.ru-ն։

28-ամյա կասկածյալը ձերբակալվել է Կուալա Լումպուրի մետրոյի կայարաններից մեկում։

Տեղի իշխանությունների նախնական տեղեկատվության համաձայն՝ ձերբակալվածն արդեն խոստովանել է, որ Մալայզիայում ահաբեկչական հարձակում էր պատրաստվում իրականացնել՝ Սիրիայում ԻՊ-ի մեկ այլ անդամից հանձնարարություն ստանալուց հետո։

Ջակարտայում օրերս տեղի ունեցած ահաբեկչությունների շարքի հետևանքով 17 մարդ է մահացել: «Իսլամական պետությունը» պաշտոնական հայտարարություն է հրապարակել, որում ստանձնել է Ինդոնեզիայի մայրաքաղաքում ահաբեկչությունների պատասխանատվությունը։