Սիրիայի հակամարտության լուծումը հեռու է. Գերմանիայի արտգործնախարար

Սիրիայի հակամարտության լուծումը դեռ հեռու է. այդ մասին հայտարարել է Գերմանիայի արտգործնախարար Ֆրանկ- Վալտեր Շտայնմայերը, փոխանցում է russian.rt.com-ը։

«Այս պահին մենք հեռու ենք Սիրիայում հակամարտության լուծումից»,-ասել է նախարարը:

Սիրիայում 2011 թվականի մարտից շարունակվում է զինված հակամարտությունը։

Կառավարական զորքերը փորձում են դիմագրավել բազմաթիվ խմբավորումների, այդ թվում՝ «Իսլամական պետություն» և «Ջեբհաթ ան-Նուսրա» ահաբեկչական խմբավորումների հարձակումներին:

ԱՄՆ-ի գլխավորությամբ գործող միջազգային կոալիցիան ավիահարվածներ է հասցնում Սիրիայում և Իրաքում ԻՊ-ի դիրքերին:

Սիրիայի կառավարության խնդրանքով երկրում ավիահարվածներ է հասցնում նաև ռուսական ավիացիան։