Նոր Հաճնում գտած քարտի և ծածկագրի միջոցով բանկոմատից գումար է կանխիկացրել

Հունվարի 18-ին, ժամը 11.35-ին, 1950 թ. ծնված Ջեմմա Ս.-ն ոստիկանության Նաիրիի բաժնում դիմում էր ներկայացրել, որ Նոր Հաճն քաղաքի տարածքում իրեն անհայտ պայմաններում կորցրել է իր թղթապանակը, որի մեջ եղել է գումար և բանկային քարտ` ծածկագրով. տեղեկացնում է ՀՀ ոստիկանության մամուլի ծառայությունը։
 

Հունվարի 19-ին, ժամը 13.00-ին, Ջեմմա Ս.-ն հաղորդում է տվել, որ կորցրած քարտից հանվել է 175.000 դրամ
 

Ձեռնարկված օպերատիվ-հետախուզական միջոցառումների շնորհիվ՝ հունվարի 21-ին, ժամը 18.30-ին, Նոր Հաճնի բաժանմունք է ներկայացվել 1999 թ. ծնված Ա. Լ.-ն, ով տվել է խոստովանական բացատրություն, որ հունվարի 16-ին, Նոր Հաճնի եկեղեցու մոտակայքից գտել է դրամապանակ, որի մեջ եղած քարտի և ծածկագրի միջոցով բանկոմատից տարբեր ժամանակահատվածներում կանխիկացրել է ընդհանուրը 175.000 դրամ: