ԵՄ-ն մտադիր է փետրվարի սկզբին ներգաղթյալների հարցով արտահերթ գագաթաժողով անցկացնել

Եվրամիությունը դիտարկում է փետրվարի սկզբին ներգաղթի սահմանափակման խնդրի վերաբերյալ արտահերթ գագաթաժողով անցկացնելու հնարավորությունը, հաղորդում է ТАСС-ը՝ վկայակոչելով աղբյուրի։

«Փետրվարի 18-19-ի պլանային գագաթաժողովը հիմնականում ուղղված կլինի բրիտանական հանրաքվեի խնդրին, այդ պատճառով այժմ քննարկվում է ներգաղթի վերաբերյալ փետրվարի սկզբին արտահերթ գագաթաժողովի անցկացման հնարավորությունը»,- ասել է նա:

Ավելի վաղ հաղորդվել է, որ Սլովակիայի վարչապետ Ռոբերտ Ֆիցոն կոչ է արել ԵՄ արտահերթ գագաթաժողով հրավիրել՝ Քյոլնում դեկտեմբերի 31-ի հարձակումներից հետո:

Բացի այդ, Սլովենիան սահմանափակել է ներգաղթյալների ընդունումը և հայտարարել է, որ երկիր կթողնի միայն այն ներգաղթյալներին, որոնք մտադիր են ապաստան փնտրել Գերմանիայում և Ավստրիայում: