Ամերիկացիները նախապատրաստվում են «տասնամյակի ձնաբքին». Վաշինգտոնում 2 օր չի աշխատի հասարակական տրանսպորտը

09:36 • 22.01.16

ԱՄՆ-ի արևելյան ափերին է մոտենում սաստիկ ձնաբուք, Վաշինգտոնում 2 օր չի աշխատի հասարակական տրանսպորտը, հանգստյան օրերին կփակվի մետրոն, կհետաձգվեն հազարավոր ավիաչվերթներ, գրում է Комсомольская правда-ն:

«Մետրոն չի գործի այս հանգստյան օրերին` սպասվող ձնաբքի պատճառով»,- հայտնել է Վաշինգտոնի մետրոպոլիտենի ղեկավար Փոլ Վիդերֆելդը` նշելով, որ գնացքները կդադարեն գործել ուրբաթ ժամը 23:00-ից և կվերսկսեն աշխատանքը երկուշաբթի առավոտյան:

Կոլումբիա շրջանի իշխանությունները զգուշացրել են բնակչությանը ճանապարհներին հնարավոր մերկասառույցի և տեսանելիության նվազման մասին։ Մարդիկ գնում են լապտերներ և մթերքներ, որպեսզի հանգստյան օրերին փողոց դուրս չգան:

Սկսած ուրբաթ երեկոյից մինչև երկուշաբթի Վաշինգտոնում, Վիրջինիա և Մերիլենդ նահանգներում կգործի արտակարգ դրություն:

Ինչպես հայտնում է Reuters գործակալությունը, սպասվում է, որ վերջին տասնամյակի ընթացքում ամենասաստիկ ձնաբուքը «կդիպչի» Նյու Յորք, Ֆիլադելֆիա և Մասաչուսեթս նահանգներին:

John Silver shovels snow between buried cars in front of his home on Third Street in South Boston