Հռոմի Պապի այցը Գյումրի՝ լուսանկարներով

Գյումրիի Վարդանանց քաղաքային հրապարակը վաղ առավոտից բազմամարդ էր, Գյումրին սպասում էր Հռոմի Սրբազան քահանայապետ Ֆրանցիսկոս պապին:

Ֆրանցիսկոս Պապն այսօր առավոտյան Գարեգին Բ-ի և ՀՀ նախագահի ուղեկցությամբ այցելել էր և Հայոց ցեղասպանության հուշահամալիր, այնուհետև Ամենայն Հայոց կաթողիկոսի ուղեկցորդությամբ ուղևորվեց Գյումրի:

Գյումրիի Վարդանանց հրապարակում Գարեգին Բ Ամենայն հայոց կաթողիկոսի աղոթակցությամբ պատարագ մատուցվեց լատինական ծեսով:

«Այց առաջին քրիստոնյա երկիր» կարգախոսով Հայաստանում գտնվող Պապն իր աղոթքում ասաց, որ «Կոչված ենք միշտ կառուցելու և վերակառուցելու հաղորդությունը առանց հոգնելու կամուրջներ կառուցելու, ոչ թե պարիսպներ կամ բաժանարար պատնեշներ»:

Սուրբ պատարագը մատուցվեց լատինական ծեսով, որի ավարտին

Հռոմի Սրբազան քահանայապետը շնորհակալություն հայտնեց ներկաներից, որ մասնակցեցին պատարագին, ողջունեց նաև նրանց, ովքեր առատաձեռնությամբ ու շոշափելի սիրով օգնում են կարիքավորներին: 

Պատարագից հետո երկու հայրապետերը շրջեցին պապամոբիլով Գյումրիի փողոցներում՝ իրենց օրհնությունը բաշխելով հավատացյալներին:  Այնուհետև Հռոմի Պապն այցելեց   Անարատ Հղիության Հայ քույրերի միաբանության «Տիրամայր Հայաստանի» կուսաստան , ՀՀ Առաքելական եկեղեցու Սուրբ Տիրամոր Յոթ Վերք եկեղեցի և Սրբոց Նահատակաց կաթողիկե եկեղեցու մայր տաճար, որտեղ էլ ավարտվեց նրա այցը:

Ներկայացնում ենք Պապի այցը Գյումրի լուսանկարներով։