Ֆրանցիսկոս պապը ևս մեկ անգամ ասաց «ցեղասպանություն» բառը. The New York Times

Ֆրանցիսկոս պապը ևս մեկ անգամ անցավ աշխարհաքաղաքական անհանգիստ ջրերով՝ Հայաստան կատարած այցի ժամանակ, երբ հանպատրաստի հղում արեց Օսմանյան Թուրքիայի կողմից 1.5 մլն հայերի կոտորածը որակելով «ցեղասպանություն»: 

Այս մասին գրում է The New York Times-ը՝ նկատելով, որ պապի` նախապես պատրաստած տեքստում ներառված չի եղել քաղաքական վիճելի բառը, որը սովորաբար հանգեցնում է Թուրքիայի կատաղի արձագանքին:

Համաձայն անմիջական խոսքով հանդես գալու իր սովորությանը` սրբազանը ասել է, որ «այդ ողբերգությունը, այդ ցեղասպանությունը առաջինն էր անցյալ դարի ցավալի աղետների շարքում, որի իրագործումը պայմանավորված էր գաղափարական, ռասսայական ու կրոնական նպատակներով»:

Աղբյուրն ընդգծում է նաև, որ պապի խոսքերը նախագահ Սերժ Սարգսյանի նստավայրում ընդունվել են հոտնկայս ծափահարություններով: