Մեքսիկայում ավտովթարի հետևանքով շուրջ 40 մարդ է տուժել

05:54 • 26.06.16

Մեքսիկայում մի քանի ավտոմեքենաների, ավտոբուսի և բեռնատարի մասնակցությամբ խոշոր ավտովթար է տեղի ունեցել։ Վիրավոր է 36 մարդ։  

Ինչպես հաղորդում է Excelsior-ը՝ վթարը տեղի է ունեցել Մեխիկո և Վերակրուս քաղաքների միջև։ Ավտոբուսի վարորդը կորցրել է վերահսկողությունը և բախվել բեռնատարի։ Հետո այդ երկու մեքենաներին բախվել են ամենաքիչը վեց ավտոմեքենա։  

Դեպքի վայր են ժամանել փրկարարներ, որոնք հանել են մարդկանց ավտոմեքենաների միջից։ Վիրավորներին տեղափոխել են հիվանդանոց, մայրուղու երթևեկությունը դադարեցվել էր։