Ռուսաստանը ֆինանսավորելու է Իրանն ու Ադրբեջանը միացնող երկաթգծի շինարարությունը

23:48 • 03.07.16

Ինչպես հաղորդում է իրանական Press TV-ն` «Ադրբեջանական երկաթուղիներ» ընկերության մամլո ներկայացուցիչը հայտնել է, որ «Ռուսական երկաթուղիներ» ընկերությունը Բաքվում շահագրգիռ կողմերի հետ քննարկել է Ռաշտ (Իրան)- Աստարա (Ադրբեջան) երկաթգծի կառուցման ֆինանսավորման գործում իր մասնակցության հարցերը : 


Աղբյուրի տվյալներով` ադրբեջանական,  իրանական և ռուսական երկաթուղիների ներկայացուցիչները մասնակցել են բանակցություններին, որում ադրբեջանական կողմը գործընկերներին ներկայացրել է նախագիծն ու առաջնահերթ առաջադրանքները:

Բանակցությունների մասնակիցներն արդյունքում ստորագրել են վերջնական համաձայնագիրը:

Նախատեսվում է, որ երկաթգծով 5 մլն տոննա բեռ կտեղափոխվի շահագործման հանձնվելուց հետո: