Մայամիում մանկական հիվանդանոցը պայթյունի սպառնալիքի պատճառով տարհանել են
Մայամիում պայթյունի սպառնալիքի պատճառով տարհանել են Նիկլաուսի անվան մանկական հիվանդանոցը, հաղորում է CBS Miami-ն՝ հղում անելով տեղի ոստիկանությունում իր աղբյուրին: Մայամի-Դեյդ շրջանի ոստիկանությունը իր Twitter-ում գրել է, որ հիվանդների, անձնակազմի և մոտակա տների բնակիչների անվտանգության ապահովման համար միջոցներ է ձեռք առնում:
Սակայն իրավապահ մարմինները չեն հաստատել պայթյունի կամ հրաձգության վերաբերյալ հաղորդագրությունները: Հնարավոր սպառնալիքի պատճառով ճանապարհային երթևեկությունը փոխվել է:
Ըստ CBS-ի տեղեկությունների՝ մանկական հիվանդանոցում գտնվող մարդիկ փակվել են շինությունում և զանգահարում են 911՝ օգնություն խնդրելու համար:










