Ավստրալիայում հեղեղումները քշել-տարել են երկհարկանի տունը (տեսանյութ)

12:43 • 03.04.17

Ավստրալիայի Քուինսլենդ նահանգը գրոհած «Դեբի» փոթորկին հաջորդել են հեղեղումները, որոնք կիսով չափ իրենց տակ են առել բազմաթիվ բնակավայրեր:


The Guardian պարբերականը հրապարակել է տեսանյութ, որում երևում է՝ ինչպես է ափերից դուրս եկած Ալբերտ գետը տեղահան անում երկհարկանի տունն ու այն քշում-տանում՝ ճանապարհին տապալելով ծառերը:


Աղբյուրը մանրամասնում է, որ տան բնակիչները հրաշքով են փրկվել. նրանց տարհանումից հաշված րոպեներ անց ջուրը քշել է տունը:


«Այդ տեսարանին ականատես լինելուց հետո ես ու ընտանիքիս մյուս անդամները սկսեցինք լաց լինել: Այդ հուզմունքն ուղղակի հնարավոր չէր զսպել»,-պատմել է տանտերը: