Սիրում և հարգում ենք նրան՝ որպես մեր Ժաննա դը Արկ. Զարուհի Փոստանջյանի հարևանները համոզված են, որ նա լավ քաղաքապետ կլինի (տեսանյութ)
«Երկիր Ծիրանի» կուսակցության Երևանի քաղաքապետի թեկնածու Զարուհի Փոստանջյանի հարևանները համոզված են, որ նա լավ քաղաքապետ կլինի: Հարևաններից մեկը Փոստանջյանին անգամ այսպես նկարագրեց. «Սիրում և հարգում ենք նրան որպես մեր Ժաննա դը Արկ՝ ազատամիտ, պայծառ»:
«Որպես հարևան նա շատ կամեցող, պատրաստակամ և պայծառ անձնավորություն է: Սիրալիր է բոլորի հետ, նույնիսկ շտապելու ժամանակ կանգնում է, բարևում է, զրուցում է: Մի չքնաղ կերպար է»,- հայտնեց հարևաններից մեկը:
Չնայած Զարուհի Փոստանջյանի հասցեին հնչեցրած լավ խոսքերին, նա նաև նշեց, որ դեռ չի կողմնորոշվել, թե ում է իր ձայնը տալու. «Չեմ կարող ասել՝ ձայնս ում եմ տալու, որովհետև Նիկոլ Փաշինյանին էլ եմ հարգում»:
Փոստանջյանի անմիջական հարևանն էլ ասաց, որ նա հիանալի, հարևանության համար օրինակելի ընտանիք ունի:
«Ես Զարուհուն արդեն 20 տարի է ճանաչում եմ: Նա շատ լավ իրավաբան է և շատ լավ քաղաքական գործիչ: Ես դա վստահորեն եմ ասում, որովհետև նա շատ որակներ ունի, որի մասին շատերը չգիտեն: Լավ չեն պատկերացնում, թե նա ինչի է ընդունակ: Այդ առումով էլ վստահ եմ, որ նա շատ լավ քաղաքապետ կլինի»,- նշեց նա:
Մանրամասները՝ տեսանյութում:










