ԻՊ-ը ստանձնել է Քաբուլում ՆԱՏՕ-ի զինվորականների դեմ իրականացված հարձակման պատասխանատվությունը (լուսանկարներ)
«Իսլամական պետություն» ահաբեկչական խմբավորումը ստանձնել է Աֆղանստանի մայրաքաղաքում ՆԱՏՕ-ի զինծառայողների դեմ իրականացված հարձակման պատասխանատվությունը: Այդ մասին հայտնել է Reuters գործակալությունը:
Մահապարտ ահաբեկիչը պայթեցրել է իրեն ՆԱՏՕ-ի զինվորականների ավտոշարասյան մոտ: Պայթյունը տեղի է ունեցել ԱՄՆ դեսպանատան մոտակայքում առավոտյան: Այդ թաղամասը Քաբուլի ամենաաշխույժ թաղամասերից է: Պայթյունի հետևանքով զոհվել է առնվազն 8 մարդ, ևս 28-ը վիրավորվել է:
Քաբուլի հանրային առողջության ոլորտի պաշտոնյաների խոսքերով՝ զոհերը քաղաքացիական անձինք են եղել: Վիրավորների թվում կա երեք ամերիկացի զինծառայող:















