Ես ոչ հրաժարվել եմ պատգամավորական մանդատից, ոչ էլ հիմա եմ գնում հրաժարվեմ. Մուշեղ Սաղաթելյան
«Ծառուկյան» դաշինքով խորհրդարանական ընտրություններին մասնակցած պատգամավոր ընտրված ՔԿՀ վարչության նախկին պետ Մուշեղ Սաղաթելյանը Կենտրոնական ընտրական հանձնաժողով ինքնաբացարկի դիմում չի ներկայացրել: Նա Tert.am-ի հետ զրույցում ասաց, որ հիմա գնում է ԿԸՀ:
«Ես ոչ հրաժարվել եմ պատգամավորական մանդատից, ոչ էլ հիմա եմ գնում հրաժարվեմ»,- ասաց նա:
Հարցին՝ այդ դեպքում ո՞վ էր ձեր անունից ինքնաբացարկի դիմում ներկայացրել ԿԸՀ, Սաղաթելյանը պատասխանեց.« Այդ մասին կիմանաք ժամը 3-ից հետո»:
Հիշեցնենք, որ Կենտրոնական ընտրական հանձնաժողովը երեկ հրապարակել է ինքնաբացարկ ներկայացրած պատգամավորների դիմումները, որոնց մեջ կան նաև «Ծառուկյան» դաշինքով խորհրդարանական ընտրություններին մասնակցած Մուշեղ Սաղաթելյանը:










