Տոկիո-Լոս Անջելես չվերթի ուղևորների ծեծկռտուքի տեսագրությունը հայտնվել է համացանցում (տեսանյութ)

13:51 • 03.05.17

All Nippon Airways ավիաընկերության օդանավերից մեկում ծեծկռտուք է տեղի ունեցել ուղևորների միջև, ինչի տեսագրությունը հայտնվել է համացանցում:

Ինչպես նշում է The Daily Mail-ը, միջադեպը տեղի է ունեցել Տոկիո-Լոս Անջելես չվերթի ժամանակ:

Դատելով տեսանյութից՝ կարմիր վերնաշապիկով տղամարդը մոտեցել է իր հետևում նստած անձին՝ նրան վիրավորելով ու հարվածելով: Այս ամենը վերաճել է ծեծկռտուքի:

Նշվում է, որ օդանավի անձնակազմն ու մյուս ուղևորները փորձել են բաժանել կռվողներին, սակայն դա այդքան էլ հեշտ չի եղել: Ավելի ուշ կռիվը սկսած տղամարդն անձնակազմի ներկայացուցիչների ուղեկցությամբ լքել է օդանավը:

Այնուհանդերձ՝ հայտնի չէ, թե ինչն է եղել կռվի պատճառը: