Աշխարհի ամենագեր կնոջը բուժման են տեղափոխել ԱՄԷ (լուսանկարներ)
Եգիպտոսցի Էման Աբդ էլ Ատին, որը, կշռելով մոտ 500 կգ, համարվում էր աշխարհում ամենագեր կինը, նոր հիվանդություններ է ձեռք բերել Հնդկաստանում բուժվելու ընթացքում:
Ինչպես նշում է interfax.ru-ն, այժմ կնոջ բուժումը շարունակելու նպատակով նրան շտապ տեղափոխել են Արաբական Միացյալ Էմիրություններ:
Արաբ բժիշկները պարզել են, որ կինը ճարպակալումից զատ ունի սիրտ-անոթային հիվանդություններ, ինչպես նաև բակտերիալ վարակ:
Հնդիկ բժիշկները պնդում են, որ Աբդ էլ Ատին իրենց մոտ տեղափոխվելուց ի վեր նիհարել է 250 կգ-ով, սակայն նրա քույրը լուսանկար է հրապարակել՝ ցույց տալով, որ հիվանդն աննշան է նիհարել ու, բացի այդ, այժմ գտնվում է առողջական ծանր վիճակում:
Մինչդեռ հնդկական հիվանդանոցում հրաժարվում են ընդունել, որ իրենց բուժումն անորակ է եղել:
Աղբյուրը մանրամասնում է, որ այժմ ԱՄԷ-ում մասնագետները փորձում են բուժել կնոջ՝ Հնդկաստանում ձեռք բերած հիվանդությունները:













