Աչքով տեսանելի էր, որ «Նաիրիտ» գործարանի հրդեհի ժամանակ արտանետվում էր մեծ քանակությամբ մուր, ոչ թե ծուխ. քիմիկոս (տեսանյութ)

18:15 • 30.08.17

Աչքով տեսանելի էր, որ «Նաիրիտ» գործարանի հրդեհի ժամանակ արտանետվում էր մեծ քանակությամբ մուր: Լրագրողների հետ զրույցում ասաց քիմիկոս, «Նաիրիտ» գործարանի նախկին աշխատակից Հրաչիկ Միրզոյանը: Վերջինս նշեց, որ այն ծուխ անվանել չի կարելի, դա մուր էր:  

«Այրվում էր լաքէթինոլը: Գրում էին, որ այն վտանգավոր չէ, բայց դրա թերայրումից առաջացած նյութերի ու վտանգների մասին չէին գրում: Թերայրում էր կատարվում, որի արդյունքում մուր է լինում, հետևաբար, պետք է աառաջանար շմոլ գազ՝ ածխածնի օքսիդ: Բայց կատարված անալիզներում այս երկու բաղադրիչը չկա, այս անալիզները Բնապահպանության նախարարության համապատասխան օղակները չեն կատարվել: Մենք փնտրում ենք այն, ինչ չպետք է լինի, չենք փնտրում այն, ինչ իրականում գոյություն ունի: Ինչո՞ւ: Այս հարցին պետք է պատասխանեն Բնապահպանության նախարարությունում»,- ասաց Միրզոյանը:

Մեդիափորձագետ Սամվել Մարտիրոսյանն էլ հայտնեց իր անհանգստությունը՝ նշելով, որ այդ ծուխը շնչել են նաև նորածին երեխաներ:

«Ասում են՝ լաքէթինոլ է, ջուր է, միևնույն է՝ այն բոլորի համար օգտակար չէ»,- ասաց Մարտիրոսյանը: