«Գրիգոր Նարեկացի» ծննդատանը նորածին է մահացել, հայրը դիմել է իրավապահներին. Դատախազություն
Երևանի «Գրիգոր Նարեկացի» ծննդատանը հունվարի 10-ին նորածին է մահացել:
Նորածնի մահվան մասին իրավապահներին հայտնել է նորածին երեխայի հայրը:
Դեպքի վերաբերյալ Tert.am-ի հարցին ի պատասխան հայտնեցին դատախազության հանրային կապերի բաժնից:
«Նորածին երեխայի հայրը դիմել է իրավապահներին՝ հայտնելով, որ երեխան մահացել է բժիշկների ոչ պատշաճ աշխատանքի հետևանքով»,- հայտնեցին Դատախազությունից:
Մահացած նորածնի ընտանիքն ապրում է Արարատի մարզում:
Դատախազությունից հայտնեցին, որ նորածնի մահվան փաստի առթիվ նյութեր են նախապատրաստվում:










