Էկվադորի նարկոլոգիական կենտրոնում բռնկված հրդեհի հետևանքով 16 մարդ է մահացել
Էկվադորի Գուայակիլ քաղաքի նարկոլոգիական կենտրոնում բռնկված հրդեհի հետևանքով 16 մարդ է մահացել, հայտնում է Comercio լրատվական պորտալը:
Աղբյուրի փոխանցմամբ` հիվանդները մահացել են ծխից թունավորման պատճառով: Մի քանիսը շնչուղիների այրվածքներով տեղափոխվել են հիվանդանոց:
Հրդեհաշիջման աշխատանքներում ներգրավված է ավելի քան 60 հրշեջ:
Դեպքի վայրում են քաղաքի իշխանությունները, տուժածների հարազատները, որոնք փորձում են տեղեկություն ստանալ զոհերի և վիրավորների մասին:










