Կիևում անհայտ անձինք կրակ են բացել նախագահի թեկնածուի ընտրական շտաբի անդամների ավտոմեքենայի ուղղությամբ

21:28 • 14.01.19

Ուկրաինայի մայրաքաղաք Կիևում անհայտ անձինք գնդակոծել են նախագահի թեկնածու Անատոլի Գրիցենկոյի ընտրական շտաբի անդամներին պատկանող ավտոմեքենան, այս մասին գրում է ТАСС գործակալությունը:

Հայտնի է, որ մեքենան պատկանում է Գրացենկոյի շտաբի աշխատակից հանդիսացող ամուսնական զույգին: Ավտոմեքենան կայանված է եղել տան մոտ, առայժմ հայտնի չէ, թե արդյոք հարձակման պահին մեքենայում ինչ-որ մեկը եղել է, թե ոչ:

Հայտնի է, որ կրակն արձակվել է պնևմատիկ զենքից: Միջադեպի առնչությամբ արդեն հարուցված է քրեական գործ:

Այլ մանրամասներ չեն հաղորդվում: