Էրդողանը նշել է սիրիական Մանբիջում տեղի ունեցած ահաբեկչության հնարավոր նպատակը

23:41 • 16.01.19

Սիրիական Մանբիջում տեղի ունեցած ահաբեկչությունը, որի հետևանքով ամերիկացի զինվորականներ են մահացել, կարող էր իրականացվել՝ զորքերը Սիրիայից դուրս բերելու մասին Վաշինգտոնի որոշման վրա ազդելու համար: ТАСС գործակալության փոխանցմամբ՝ նման կարծիք է հայտնել Թուրքիայի նախագահ Ռեջեփ Թայիփ Էրդողանը:

«Մանբիջում տեղի ունեցած պայթյունի հետևանքով 27 մարդ է մահացել, այդ թվում՝ հինգ ամերիկացի զինվորական: Չի բացառվում, որ դա արվել է ԱՄՆ որոշման վրա ինչ-որ կերպ ազդելու համար», - հայտարարել է Էրդողանը Խորվաթիայի նախագահ Կոլինդա Գրաբար Կիտարովիչի հետ բանակցությունների ավարտին կայացած ասուլիսին:

Թուրք ղեկավարը հիշեցրել է, որ ԱՄՆ նախագահ Դոնալդ Թրամփի հետ բանակցությունների ընթացքում վերջինս վճռական է եղել զորքերը դուրս բերելու հարցում:

Էրդողանը խոստացել է նաև շարունակել պայքարը «Իսլամական պետություն» ահաբեկչական կազմակերպության գրոհայինների դեմ: